Traballando con Consumópolis.

Despois de moito darlle á cabeza, moito traballo en equipo, reunións despois de comer, berros, despistes, etc..... ao fin semella que si, que hai murais.

A verdade é que o reto é difícil: facer un cartel publicitario dende unha perspectiva ética, é dicir, consumo responsable, solidario e sostible. E por se fora pouco, en grupos de 5 publicistas solidarios/as algúns dos cais non están na mesma clase. Pero no Parga podemos con (case) todo. E para mostra un botón: mirada as fotos, veredes como reflicten o esforzo realizado.

Preme na foto para ver máis.

Consumópolis 13: consumo e publicidade.

Como xa sabedes moitos7as este curso estamos a participar outra vez no concurso Consumopolis. Os/as alumnos/as de 1º, 2º, 3º e 4º da Eso na Materia de Valores Éticos e nalgunas titorías poderán comprobar que é o que saben sobre consumo e publicidade.
Ánimo a todos/as!!

A radio e a fotografía inundan o IES Parga Pondal.

O noso centro xunto a outros 5 máis comezamos este 2017 cos obradoiros de comunicación de O Mundo que Queremos, centrados no uso de ferramentas como a radio e a fotografía para a sensibilización sobre problemáticas sociais.

Este curso participan os alumnos e alumnas de Ética de 3º ESO e traballaremos cunha proposta sobre temáticas tan relevantes como o medio ambiente, a equidade de xénero, a desigualdade social ou a promoción da paz.

Para elo, Óscar Vázquez, monitor do obradoiro de fotografía, e Rocío Cadahía, monitora do obradoiro de radio, ambos integrantes da Asociación Galega de Reporteir@s Solidari@s, traballarán co alumnado diferentes formatos para que a través destas ferramentas de comunicación sexan capaces de reflexionar sobre os temas escollidos, construír o seu propio discurso ao redor deles e elaborar un material que poida ser difundido para sensibilizar ao resto da comunidade educativa. 

Así que o día 20 veu Paula da ONG Educo a explicarnos o que íamos facer.

Xa tivemos os primeiros obradoiros de radio e foto. Se queredes ver como traballan os amigos e amigas de AGARESO, premade na foto.

IES Isidro Parga Pondal taller radio 1 - Kizoa Editar Videos - Movie Maker

O mundo que queremos: arrancan os obradoiros de radio e fotografía

Presentación2 from Felipe Bueno

Paula fixovos saltar polas cadeiras, sentarvos no chan,.... viaxar por medio mundo sen sair da Biblioteca. Agora continuamos a viaxe a través das ondas e da luz. Abrochádevos os cintos!

Se queres saber mais, preme na imaxe

Construíndo o mundo que queremos

Hoxe imos darlle a palabra a dúas compañeiras vosas de 3º ESO, Lucía e Angela, que xunto a Natalia e Ana (4ºESO) e Yadira (3º ESO) participaron na primeira reunión de todos e todas os pirados que asistimos ao obradoiro. Pero, mellor, cóntano elas:

Queridos lectores: 

Somos Ángela e Lucía, dúas alumnas de terceiro do IES Isidro Parga Pondal, as cales tivemos a oportunidade de participar nun proxecto chamado " O mundo que queremos". O venres día 27 de Novembro embarcámonos nunha experiencia na cal reunímonos varios institutos para charlar sobre os distintos aspectos a traballar durante o proxecto. Realizamos tamén varias actividades para conocernos mellor entre nós, nas cales incluímos: recoller información sobre os nosos novos compañeiros (instituto, gustos,desexos...), realizamos debuxos sobre os nosos institutos e escribimos unha carta individual para o noso futuro redactando os nosos desexos e metas a cumplir. 

Tamén prometemos reunirnos en varias ocasións máis as cales estamos esperando con moita ansia para ver de novo os amigos que grazas a este proxecto fixemos. Un saúdo das vosas compañeiras: 

       Lucía Souto e Ángela Iglesias