jueves, 28 de enero de 2016
Taller de radio: o mundo que queremos
Os alumnos e alumnas do IES Isidro Parga Pondal estamos preparando os nosos borradores para os talleres. Aqui tedes aos radioaficionados/as facendo un esforzo.
miércoles, 13 de enero de 2016
O mundo que queremos: arrancan os obradoiros de radio e fotografía
Paula fixovos saltar polas cadeiras, sentarvos no chan,.... viaxar por medio mundo sen sair da Biblioteca. Agora continuamos a viaxe a través das ondas e da luz. Abrochádevos os cintos!
Se queres saber mais, preme na imaxe
lunes, 11 de enero de 2016
2016 é o Ano de Aristóteles, segundo a UNESCO, a 2400 anos do nacimento do filósofo grego.
Durante o 2016 conmemoraranse os 2400 anos do nacemento de Aristóteles, un dos pais da filosofía occidental. Para celebrar o acontecemento, a UNESCO decidiu declarar 2016 como "Ano de Aristóteles". Filósofos máis novos esperan que durante o ano de celebracións atópese definitivamente o libro perdido de Aristóteles sobre a risa, un libro que eloxiaba a vida lixeira, e que tanto molestaría aos conservadores.
O sabio non di todo o que pensa, pero sempre pensa todo o que di.
O noso carácter é resultado da nosa conduta
Aristóteles naceu no ano 384 a.C. en Estaxira, unha pequena localidade macedonia próxima ao monte Athos; da súa poboación natal procede unha designación habitual para referirse ao filósofo: o estaxirita. O seu pai, Nicómaco, era médico da corte de Amintas III, pai de Filipo II de Macedonia e, xa que logo, avó de Alexandro Magno. Nicómaco pertencía á familia dos Asclepíades, que se reclamaba descendente do deus fundador da medicina e cuxo saber transmitíase de xeración en xeración. Aristóteles foi iniciado de neno nos segredos da medicina, e que de aí lle veu a súa afección á investigación experimental e á ciencia positiva. Orfo de pai e nai en plena adolescencia, foi adoptado por Proxeno, ao cal podería mostrar anos despois a súa gratitude adoptando a un fillo seu chamado Nicanor. No ano 367, aos dezasete anos de idade, foi enviado a Atenas para estudar na Academia de Platón.
Para 2016 programáronse eventos en torno á figura de Aristóteles; de entre eles cabo destacar a celebración, entre o 23 e o 28 de maio, do Congreso Mundial Aristóteles, 2400 anos, que se celebrará na Universidade Aristóteles de Tesalónica, na antiga Estaxira e na antiga Mieza. O Congreso conta co apoio da Federación Internacional de Sociedades de Filosofía (FISP), da Academia de Atenas, do Centro de Investigación de Filosofía Grega da Academia de Atenas e da Comisión Nacional Helénica para a UNESCO.
Fonte: http://www.radiodelmar.cl/rdm/2016-es-el-ano-de-aristoteles-segun-la-unesco-a-2400-anos-del-nacimiento-del-filosofo-griego/
domingo, 27 de diciembre de 2015
Olimpíada filosófica de Galicia: unha axuda para a disertación
Estes son algúns materiais que vos poden axudar ou inspirar
para facer a vosas disertación. Bótadelle un ollo por se vos instiran ou vos
dan argumentos. Pero podedes usar calquera outra fonte:
1. Onfray, M.: Antimanual de filosofía.
Interesavos o capítulo de estética, El arte, que está na páxina 65.
2. Unidad apreciación estética
Unha introducción á estética; bruxuleade a ver se vos
interesa algo do que plantexa.
3. Tertulia sobre a beleza, en RTVE
martes, 8 de diciembre de 2015
Outra Constitución.
Constitución de Uzupis
O 1 de abril de 1997, coincidindo co Día dos Inocentes no mundo
anglosaxón, o pequeno barrio de Vilna, capital de Liyuania, autodeclarouse independente. Cada
aniversario, pecha o seu acceso polas pontes e o 'Exército da República' sela
os pasaportes da xente que queira cruzar o río e dar unha volta polo distrito.
Mirade a súa Constitución:
Art. 1. Todos teñen dereito a vivir preto do río Vilnelé
e o río Vilnelé ten dereito a fluír preto de todos.
Art. 2. Todos teñen dereito a auga quente, á calefacción no inverno e a
un tellado.
Art. 3. Todos teñen dereito a morrer, pero non é a súa obriga.
Art. 4. Todos teñen dereito a equivocarse.
Art. 5. Todos teñen dereito a ser únicos .
Art. 6. Todos teñen dereito a amar.
Art. 7. Todos teñen dereito a non ser amados, pero non necesariamente.
Art. 8. Todos teñen dereito a ser insignificantes e descoñecidos.
Art. 9. Todos teñen dereito a ser preguiceiros e a non facer nada.
Art. 10. Todos teñen dereito a amar e protexer un gato.
Art. 11. Todos teñen dereito a coidar dun can ata que un dos dous
morra.
Art. 12. Un can ten dereito a ser un can.
Art. 13. Un gato non está obrigado a amar ao seu dono, pero débelle
axudar nos momentos difíciles.
Art. 14. Todos teñen dereito a non saber de cando en vez que teñen
obrigas.
Art. 15. Todos teñen dereito a dubidar, pero non é a súa obriga.
Art. 16. Todos teñen dereito a ser felices.
Art. 17. Todos teñen dereito a ser infelices.
Art. 18. Todos teñen dereito a gardar silencio.
Art. 19. Todos teñen
dereito a ter fe.
Art. 20. Ninguén
ten dereito a usar a violencia.
Art. 21. Todos teñen dereito a darse conta da súa irrelevancia e da súa
grandeza.
Art. 22. Ninguén ten dereito a usurpar a eternidade.
Art. 23. Todos teñen dereito a comprender.
Art. 24. Todos teñen dereito a non comprender nada.
Art. 25. Todos teñen dereito a ter varias nacionalidades.
Art. 26. Todos teñen dereito a celebrar ou a non celebrar os seus
aniversarios.
Art. 27. Todos teñen a obriga de lembrar o seu nome.
Art. 28. Todos poden compartir o que posúen.
Art. 29. Ninguén pode compartir o que non posúe.
Art. 30. Todos teñen dereito a ter irmáns, irmás e pais.
Art. 31. Todos poden ser libres.
Art. 32. Todos son responsables da súa liberdade.
Art. 33. Todos teñen dereito a chorar.
Art. 34. Todos teñen dereito a ser incomprendidos.
Art. 35. Ninguén ten dereito a botarlle a culpa ao outro.
Art. 36. Todos teñen dereito a ser subxectivos.
Art. 37. Todos teñen dereito a non ter ningún dereito.
Art. 38. Todos teñen dereito a non ter medo.
Art. 39. Non venzas .
Art. 40. Non te
defendas
Art. 41. Non te
rendas.
viernes, 4 de diciembre de 2015
Olimpíada filosófica 2015-16
Consulta aquí as bases da olimpíada filosofica deste curso. Tamén podes ver no enlace os exercicios das distintas modalidades seleccionados outros anos.
jueves, 3 de diciembre de 2015
Construíndo o mundo que queremos
Hoxe imos darlle a palabra a dúas compañeiras vosas de 3º ESO, Lucía e Angela, que xunto a Natalia e Ana (4ºESO) e Yadira (3º ESO) participaron na primeira reunión de todos e todas os pirados que asistimos ao obradoiro. Pero, mellor, cóntano elas:
Queridos lectores:
Somos Ángela e Lucía, dúas alumnas de terceiro do IES Isidro Parga Pondal, as cales tivemos a oportunidade de participar nun proxecto chamado " O mundo que queremos". O venres día 27 de Novembro embarcámonos nunha experiencia na cal reunímonos varios institutos para charlar sobre os distintos aspectos a traballar durante o proxecto. Realizamos tamén varias actividades para conocernos mellor entre nós, nas cales incluímos: recoller información sobre os nosos novos compañeiros (instituto, gustos,desexos...), realizamos debuxos sobre os nosos institutos e escribimos unha carta individual para o noso futuro redactando os nosos desexos e metas a cumplir.
Tamén prometemos reunirnos en varias ocasións máis as cales estamos esperando con moita ansia para ver de novo os amigos que grazas a este proxecto fixemos. Un saúdo das vosas compañeiras:
Lucía Souto e Ángela Iglesias
Suscribirse a:
Entradas (Atom)