NATUREZA E CULTURA. QUE NOS FAI SER O QUE SOMOS?

Estamos tendo problemas para enfocar o traballo proposto para a II Olimpiada Fifosofia. O asunto é que como aínda nos demos o tema de natureza e cultura, a xente que participades na actividade (ou facedes a foto para clase) non sabedes moi ben por onde movervos. Para axudarvos póño unhas ligazóns nas que se explica o tema sobre o que tedes que aplicar a vosas creatividades:

Natureza e cultura.
Natureza, cultura e sociedade.
Por que somos mais listos?
Finalmente, aqui tedes un vídeo moi entretenido que tamén pode aclararvoa algo:

Introdución ao dereito cunha visita aos xulgados de Santiago de Compostela

O pasado xoves 4 de decembro, as alumnas e alumnos de 2º de Bacharelato de Ética e Filosofía do Dereito visitamos os xulgados de Santiago de Compostela, onde nos recibiu a avogada Leo Villar. A nosa intención era acudir a un xuízo sobre o tráfico de drogas. Nel observaríamos como transcorre o proceso xudicial penal. Ainda que o xuízo non se celebrou porque os implicados chegaron a un acordo, poidemos falar co fiscal xeral don Álvaro García, quen  levou casos relevantes como, por exemplo, o do Prestige.

Don Álvaro, moi amable, comezou por agradecernos a nosa visita xa que, como el dixo, "a xustiza pertence ao pobo". A súa intención era mostrar a transparencia deste órgano. Explicounos a función da fiscalía, a diferencia coa avogacía privada e a razón pola que el escolleu ser fiscal, o cal nos conmoveu moito. Por outra parte, tamén intentou concienciarnos acerca da violencia de xénero e contestou a todas as nosas preguntas sobre desafiuzamentos e narcotráfico internacional.

Dende o centro queremos agradecer tanto a invitación a un próximo xuízo como a amabilidade por parte da Súa Señoría, o fiscal e a avogada. Esperamos poder realizar unha nova visita pronto.

BASES DA II OLIMPIADA DE FILOSOFÍA.

Preme na imaxe para ver as bases da II Olimpiada Filosófica:

                           

Como o tema desde curso é Natureza e cultura. Que nos fai ser o que somos, os alumnos e alumnas de 1º de Bachareleto que vaides facer fotos poderiades centrarvos xa nese tema (incluso se elixedes unha frase dunha canción) porque asi a fotografía que fagades vale para o concurso e para a avaliación. Os e as que vos animedes por outra modalidade deconcurso aínda temos tempo bastante para prepararlo na clase.

Para editar as fotos tedes un programa que se chama GIMP que se pode descargar gratuitamente. Deixovos unha ligazón a un titurial por se tedes algunha dúbida sobre como se manexa: GIMP.

O mito de Giges según Lidia Rey.

Algo sobre a segunda fase de Consumópolis.

Este é o cartel gañador na fase nacional 2013-14 na modalidade 1º e 2º da ESO:

E este o de 3º e 4º:

Aqui tedes enlaces a información sobre a evolución do consumo, que vos poden axudar a facer o voso traballo:
Como era a tecnoloxía hai trinta anos.
Documental comprar-tirar-comprar.
Tecnoloxías dos 80.
30 Aniversario da lei do consumidor.
Os dereitos dos consumidores.
Historia das cousas.

CONSUMÓPOLIS.

Aqui tedes en imaxes como rexistrarvos na actividade.
1. Ir á paxina http://www.consumopolis.es/

Preme onde pon entrar. Elixe o idioma.

2. Se aínda non estades rexistrado en grupo, preme onde pon rexistro Cando a profesora ou profesor teña todo cuberto e envie a solicitude, podes pasar a 1º Fase.

3. Ao entrar en 1º Fase, tes que rexistrarte co teu nick e contrasinal persoal. A profesora ou profesor recibirá unha mensaxe no seu correo para autorizar que concurses. Mentras non teña isto feito non podes empezar a diseñar o teu avatar.

OBXETIVO DO MILENIO 2015

Para empezar a introducirvos no asunto do Comercio xusto e responsable no marco dos obxectivos do Milenio 2015, podedes ver este video sobre o que imos traballar mais trade co concurso de Consumópolis econ con Solidadidade Internacional. Lembrade que temos o primeiro obradoiro con esta ong o xoves 25 de Novembro. Preme no seguinte texto:

Que son os obxectivos do MIlenio 2015

Sobre Solidaridade Internacional

E aqui tesdes un vídeo que explica de xeito divertido e claro que é o comercio xusto:
 

II OLIMPIADA FILOSOFICA.

Xa está aberta a convocatoria para participar na II Olimpiada filosófica e ten pinta de vir para quedarse, aínda que os tempos semellan ser difíciles para á filosofía. Podes preguntarlles ao veteranos de que vai (María, Laura e Alejandro de 2º Bac.) que seguro que vos dan unha versión interesante do asunto.  Póñovos  aqui o enlace por se queres ver as bases e modalidades deste curso.

MITOS E PERSONAXES GREGOS.

Aqui tedes os enlaces a algúns mitos de Platón e a unha pista sobre personaxes gregos con ideas e biografías mais que interesantes.

MITOS
PERSONAXES DA FILOSOFÍA PROSCRITA.

 Visita a ASPABER 2014-15

Como xa levamos facendo hai anos, este curso os alumnos e alumnas de 2ª ESO fixemos unha visita, en realidade dúas, aos nosos amigos de Aspaber, que foron tan amables conosco como sempre. Na espera de que cheguen ao blog as impresións da visita podedes ir vendo a curtametraxe coa que nos recibiron. Títúlase Cuerdas e acaba de gañar o premio Goya. O seu director  é español, chámase Pedro Solís e declarou que a curtametraxe está inspirada nos seus fillos, Alejandra e Nicolás. A eles e á súa esposa Lola, dedicou o premio que recibiu. Nicolás, de nove anos, ten unha minusvalía declarada do 81%. Segundo o director, o personaxe de María está inspirado en Alejandra; fisicamente non se parecen, pero o seu espírito, si.

I OLIMPÍADA FILOSOFICA DE GALICIA.

Tomar en serio.– Unha máquina rechiante, torda e sombría, mala de pór en marcha, é para a maioría o intelecto. Cómpre «tomar a cousa en serio», din ao traballaren con esta máquina queréndoa utilizar ben. Ó, que pesado ten que ser para eles pensar ben! A adorable besta que é o ser humano perde, ao parecer, o bo humor cada vez que pensa ben: ponse «seria»! «Alí onde hai riso e ledicia, pensar de nada serve»: así soa o prexuízo desta besta seria contra todo «saber alegre». Veña!, mostremos que se trata dun prexuízo.

Nietzsche, Friedrich: “Die fröhliche Wissenschaft” en Friedrich Nietzsche: Werke in drei Bänden. Múnic, 1979, Vol. 2, p. 189.

Iste é o texto que nos proñen os organizadores desta I Olimpíada filosófica de Galicia. E xa temos maduros os primeiros froitos da nosa creatividade:

 Laura, María e Alejandro de 1º Bac A e B danlle unha volta mais ao texto de Nietzsche. A ver que vos parece:

INMANUEL KANT VAI AO CINE.

EMMANUEL KANT

A nova ciencia xurdida no século XVII da man de Newton, conduce directamente á Ilustración do s. XVIII.
O s. XVIII é chamado polos franceses o século das luces polo interese que esperta a razón: a razón é a clave do método correcto de coñecemento e o seu modelo, tal como demostrou Newton, son as matemáticas. O termo inglés Ilustración foi proposto polo propio Kant. 
Os ilustrados confían plenamente na capacidade racional humana para que o home poida gobernarse a se mesmo por se mesmo. Hai que superar a minoría de idade e atreverse a pensar por un mesmo. Nesta senso,Kant exclama: Atrévete a pensar! 

A continuación podedes ver o principio dá película " Les derniers jours d'Emmanuel Kant" (Os últimos días de Emmanuel Kant) do director francés Philippe Collin, rodada en 1994 La existencia de Kant está sincronizada completamente polos hábitos adquiridos ao longo dos anos. A marcha do seu mordomo vai sacudir esta vida tan ben planificada...

 

ATAPUERCA, A MONTAÑA MÁXICA.

No 2008 os paleontólogos que traballan na Serra de Atapuerca acharon unha mandíbula humana de hai 1,2 millóns de anos que confirma que na serra burgalesa habitaron os primeiros homínidos que pisaron Europa e alí experimentaron unha evolución propia.

O descubrimento tivo lugar na Sima do Elefante. Xunto a este fósil apareceron unhas ferramentas de pedra, utilizadas por este homínido burgalés e restos óseos dos animais que lle serviron de comida.

Ata agora, a evidencia fósil máis antiga de presenza humana en Atapuerca, e en Europa, era de hai uns 800.000 anos, no depósito da Gran Dolina, a 200 metros da Sima. Os fósiles atribuíronse, en 1994, a unha nova especie denominada 'Homo antecessor', cuxa existencia aínda xera polémica na comunidade científica.

Os investigadores, de forma provisional, atribúen o novo fósil tamén a esta especie, aínda que ten 400.000 anos máis. Non obstante, Manuel Domínguez-Rodrigo, paleontólogo da Universidade Complutense de Madrid, cre que a mandíbula pode encaixar en máis dunha especie de humanos primitivos. É arriscado atribuíla a 'Homo antecessor', un taxón que aínda se discute. O que está claro é que é o resto humano máis antigo de Europa, que os seus trazos son primitivos e que abre as portas a achados que leven esa presenza ata 1,5 millóns de anos," declara o investigador.

Por se acaso, aqui deixovos un mapa de Atapuerca. Nunca se sabe.

 

EXCURSIÓN A ALTAMIRA E A ATAPURCA.

Un curso máis empezamos as vacación de Semana Santa coa viaxe a Altamira e Atapuerca. Bueno, en realidade visitamos tamén Cabárceno, Santillana del Mar, Burgos e a súa expléndia catedral...

Aqui deíxovos un enlace no que podedes ir disfrutando con antelación do que imos ver na neocova de Altamira. Premade aqui e descubride un pasado que aínda que tiña as súas luces e as súas sombras, era a toda cor.

OLIMPIADA FILOSÓFICA 2013-14

Xa temos o texto para empezar a traballar. Premade aquí para lelo. Se tedes dúbidas ou andades cortos de ideas, lembrade que podedes participar en grupos de tres. Xa temos varias valientes en 1ª Bacharelato-A.
As vosas profesoras de Filosofía estaríamos encantadas de axudarvos. Ademais, na páxina dos promotores do concurso tedes exemplos de cada una das modalidades de participación. Se queredes velos, premade aquí.

RENE DESCARTES

Discurso do Método

Para ben dirixir a razón e buscar a verdade nas ciencias

 

Se este discurso semella demasiado longo para ser lido duna vez, pode dividirse en seis partes: na primeira acharanse diferentes consideracións acerca das ciencias; na segunda, as regras principais do método que o autor buscou; na terceira, algunhas outras de moral que puido sacar daquel método; na cuarta, as razóns con que proba a existencia de Deus e da alma humana, que son os fundamentos da súa metafísica; na quinta, a orde das cuestións de física, que investigou e, en particular, a explicación do movemento do corazón e dalgunhas outras dificultades que atinxen á medicina, e tamén a diferenza que hai entre a nosa alma e a dos animais; e na última, as cousas que cre necesarias para chegar, na investigación da natureza, máis alá de onde el chegou, e as razóns que lle impulsaron a escribir.

 

 

As pretensións de Descartes son enormes, como podes ver. Edificar un coñecemento dende ás súas bases. Vexamos como o fai. Preme aquí para teres mais información.