Mafalda deséxanos felices festas!!

E as profes de filo facemos coro con Mafalda...

Comercio xusto

Comeza hoxe no noso insti un mercadiño de comercio xusto, da man da ONG Solidaridade Internacional. Como seguramente sabedes, o comercio xusto nace como unha alternativa ao comercio tradicional para tratar de evitar as inxustizas que este frecuentemente provoca. Isto é, pretende ser un intercambio con bases éticas (e respectando os Dereitos Humanos....), no que se exclúen prácticas como o traballo infantil, horarios desmedidos e en xeral todo tipo de explotación. O obxectivo non é, pois, que o prezo final sexa o máis barato do mundo, senón que quen produce, quen vende e quen compra poidan realizar un intercambio no que todas as partes saian beneficiadas, sen enganos nin explotación (como din en inglés, fair trade, comercio limpo, no sentido de "xogo limpo").

¡Animádevos a mercar e vender limpamente nos recreos!

O SEÑOR DAS MOSCAS.

O señor das moscas (Lord of the flies), a soada novela de William Golding imaxina o accidente dun avión nunha illa perdida no Pacífico. Os únicos sobrevivientes son nenos. Da pouco, constitúense dous bandos: un racional, celoso de manter a cordura e a lóxica, e o outro que se converte nunha tribo de cazadores, fascinados polo xogo da caza e a violencia. Máis aló da aparencia dunha "historia para nenos", a novela de Golding plantexa o tema da condición civilizada do ser humano.A cotinuacio teneis unhas cuestións que poden axudarvos a reflexionar subre o asunto.

1. A existencia dos rapaces lembra ao mencionado “estado de natureza”; como se reflicte isto no texto?
2. Quizais as orixes da cultura foran semellantes; tal vez a situación descrita na novela mantén algunha diferencia esencial e evidente. Descubriches algunha?.
3. O Estado, os intelectuais, o Parlamento, os militares...son diferentes estamentos que teñen unha función ben precisa na nosa sociedade aínda, que a miúdo, cuestionase a súa necesidade. Atopas representados, dalgún xeito estes estamentos na película?
4. Como interpretas as continuas referencias a “os maiores”?.
5. O dominio do lume foi un paso definitivo para a constitución da nosa sociedade e, á vez, diferenciador da nosa condición de humanos fronte os outros animais; que sentido ten o lume na película?
6. Hai, na pelicula, toda unha serie de elementos simbólicos con posibles equivalenzas na nosa cultura e que, sen dubida inciden na organización da nosa cultura. Trata de descrubrir esta simboloxía nos seguintes elementos: caracola, fume, xabarín, o señor das moscas.
7. O filosofo Thomas Hobbes, falando dos rasgos do ser humano resumía a súa natureza dicindo que “O home é un lobo para o home”; Jean Paul Sartre chega a decir “O inferno son os outros”. Explica como estas sentencias se cumplen na película.
8. O sentido da existencia nos persoaxes que aparecen na pelicula abarca un abano que vai dende o xogo ao deber. Analiza como viven o sentido da existencia: Ralph, Jack, Piggy, os xemelgos, Simon.
9. Que che suxiren as danzas?
10. Explica os binomios:
Intelixencia sen forza- debilidade
Forza sen intelixencia- regresion.

Tribus en Carballo

Aqui temos o resultado da primeira investigación antropolóxica sobre as tribus na vila de Carballo. Recoñécese alguén como membro desta tribu? Danos a túa opinión sobre esta caracterización dos skaters.

Los skater

View more presentations from bcuesta29.

Visita a Aspaber

Para lembrar a visita a Aspaber podedes ver no enlace un video cunhas cantas fotos.

Ademais, recollo aquí uns poucos comentarios dalgúns rapaces e rapazas de 2º ESO A sobre a súa visita a Aspaber, o pasado 11 de novembro. Xa sabedes que ese mesmo día realizaron a visita conxuntamente con 2º B e días máis tarde (23 de novembro) tamén a realizou alumnado de C e D:

"Os alumnos de 2º ESO visitan ASPABER. Todos quedaron abraiados de como persoas con discapacidades poideran facer esas cousas" (Javier); "Alí poideron ver todo o que facían e rir un pouco con eles" (Cristina); "Cando chegamos, fixemos dous grupos para ver como convivían e traballan. Uns lixaban a madeira, outros facían pezas moi bonitas ca escaiola e outros tamén facían os trebellos que hai nos parques... por certo estaban moi atentos e alegres cando nos viron alí mirando para eles" (Tonio); " É moi grande e había moitas seccións. En cada sección facían diferentes cousas. Nunha facían ximnasia... facían escaiolas... había tamén un taller de madeira... noutra axudábanlles a aprender a limpar..." (Lorena); "Tamén en Aspaber teñen unha casa, que se algunha desas persoas non teñen que as coide na casa dormen alí" (Vanesa M.); "Aspaber pareceume un sitio onde fan un labor moi bo, axudándolle a persoas que non se poden valer por si mesmas ou que teñen dificultade para comprender as cousas" (Vanessa F.); "Eu nese día aprendín moito e me gustou ir a visitalo xa que nunca fora" (Samantha), etc.

O inicio de Cidadanía

Inauguramos as entradas para Cidadanía (2º ESO)... deixando na zona de "descargas" unha presentación sobre o primeiro tema, "Relacións persoais", na que se trata sobre que significa ser persoa, a dificultade para coñecerse a un ou unha mesma, etc. Segundo avance o curso, iremos incorporando máis material.

E aquí mesmo, lembrando a peli de Billy Elliot que vimos na clase, e en especial para quen lle guste a música e o baile, propoñémosvos un vídeo sobre o musical que se realizou baseándose neste filme.

Homo urbanus

Albricias!!! por fin os de antropoloxía podemos participar no blog. Como xa temos analizadas as tribos de Carballo, nos próximos días colgaremos as vosas entrevistas e as fotografías que fixemos os do grupo do Nocturno das distintas marcas de territorio na nosa zona.

¡A ver que opinan os da mañán, que andar andan por aí e contamos con que aporten a súa visión neste ou outros temas nos que estean investigar!

-----
Lembrade que na Fundación Atapuerca tedes moitísima información, xogos e actividades cos que podedes ampliar os vosos coñecementos sobre a nosa orixe. Pasádevos por aí, que hai auténticas monadas.

Día violencia xénero

64 mulleres mortas en 20 10 (só en España), vítimas do maltrato maiúsculo dos seus supostos compañeiros (de toda idade e condición, como se soe dicir). Ao tempo, sobre todo estes días, moitas voces berrando "¡Non máis!"

..., pero parece insuficiente. A partida xógase, en gran medida, na nosa cotidianeidade; por iso é tan difícil lograr un bo resultado. Mais, somos moitos e moitas as convencidas, de que entre tod@s, outro mundo máis igualitario, máis respectuoso, é posible; depende de nós, cada día.

Aristóteles, comprensión (2º Bach)

E agora si que nos metemos de cheo no pensamento aristotélico, tanto no referido á realidade (Física e Metafísica) como ao ser humano (Antropoloxía, Ética e Política).

6. Aristóteles, comprensión

View more presentations from Africa Lopez.

Aristóteles, vida e obra (2º Bach)

Tras a introdución contextual, un pouco sobre a vida e a obra de Aristóteles, o Estaxirita, ou tamén, o peripatético...

5. Aristóteles, vida e obra

View more presentations from Africa Lopez.

Aristóteles, marco histórico (2º Bacharelato)

Pasamos a Aristóteles, o discípulo crítico de Platón. Entramos de cheo no que lle distancia de Platón (no plano ontolóxico e epistemolóxico), e logo tratamos un pouco sobre o seu tempo e o que lle segue; isto último moi marcado pola figura de Alexandre Magno.

4. Aristóteles marco histórico

View more presentations from Africa Lopez.

Para ambientarse, xa sabedes que recomendo ver a película Alejandro Magno (Oliver Stone, 2004), da que vos deixo aquí o trailer:

Preguntas filosóficas (1º Bach)

Deixovos aquí o segundo tema, acerca dos grandes interrogantes filosóficos.

2. Preguntas e problemas fº

View more presentations from Africa Lopez.

E para que vos entreteñades un pouco con algunhas ilusións ópticas máis indícovos algúns enlaces de entre os moitos posibles: ilusiones ópticas, portalmix, psicoactiva, ilusionario ... Tamén hai cousas moi chulas en youtube como ilusiones ópticas, Julian Beever, ilusionesopticas 2, etc. Que o disfrutedes!

Relativismo moral (Ética e Filosofía do Dereito)

Neste segundo tema adentrámonos na historicidade e diversidade dos códigos morais de diferentes épocas e culturas para logo profundizar nas súas formas de lexitimación. Noutras palabras, imos intentar poñernos na pel doutros adoptando novas perspectivas e, se cadra, dese modo poderemos afacernos con novos instrumentos para coñecernos un pouco mellor.

2. Historicidade dos códigos morais

View more presentations from Africa Lopez.

O saber filosófico (1º Bach)

Pois para empezar, teremos que aclarar que é iso da filosofía. Cuestión nada fácil, como ben sabía Mafalda. A ver se co xerro de auga aportado, e este primeiro tema que aquí vos deixo, logramos avanzar algo...

1. O saber filosófico

View more presentations from Africa Lopez.

Xénese da moralidade (EFD)

Preséntovos aquí a síntese da teoría que vimos na clase, acerca da xénese da moralidade humana.

1. Xénese moralidade

View more presentations from Africa Lopez.

E para que non todo sexa teoría, deixo o vídeo coa parodia que realizan os Simpson sobre a novela O Señor das moscas , de William Golding.

Pensamento de Platón (Hª Fª - 2º Bach)

Completamos as entregas sobre Platón con esta, un pouco densa, dedicada ao seu idealista sistema de pensamento. Cun pouco de esforzo, espero que nos axude a ir saíndo da caverna. Intentámolo?

3. Platon comprensión

View more presentations from Africa Lopez.

Este vídeo que vos poño a continuación amosa unha completa interpretación do mito da caverna que penso que pode axudar á comprensión.

Platón vida e obra (Hª Fª 2º Bach)

Avanzamos xa cara a figura de Platón. Comezamos polas marxes: a súa vida na Atenas de fins do século V a. C. e comezos do IV e os escritos que conservamos del. Nesta presentación intento que quede recollido o principal.

View more presentations from Africa Lopez'>http://

1. Platón marco histórico (Hª Fª - 2º Bach)

Xa non hai disculpa para empezar a estudar a Historia da Filosofía! Espero que esta sexa unha forma doada de acceder ao material de clase. Xa me iredes contando se vos serve de axuda (... e as erratas que atopedes).

1. platón marco histórico

View more presentations from Africa Lopez.

The beginning...

Comezamos un novo curso, e desde o Departamento de Filosofía, queremos seguir o ronsel da "bibliotecalandra" animándonos a probar con isto dos blogs. A nosa intención é a de comunicar, compartir e debater, as novidades filosóficas, algúns materiais de clase e o que vaia saíndo... Quedades todos e todas invitados a formar parte deste novo proxecto...